السلام عليكم ورحمة الله وبركاته
تحيه طيبه ...
قصـيدهـ اعجبتني واحببت ان تِشــاركوني فيهاا





\
/

أصعب مساحات الألم جرح يجي وسط الشعور
وأتعب مواقف دنيتي"تبكي واجفف مدمعك"
ماكــان لي باللي حصل لظروفنا خبره ودور
ماقصدي أجرح وأبتعد وأهجر بقسوه وأوجعك
موقف وكان بأخره صفحه تغطيها السطور
قصه وفجأه أنتهت... قبل ألتقي بك وأسمعك
عجزت أوضح صورة في داخلي تهوى الظهور
عجزت أحدد موقفي منك..وأحدد موقفك
حاولت أرجع صورة طاحت من أيام وشهور
وأحساس جارف داخلي ينهاني أرجع وأرفعك
كل المشاعر داخلي صارت بلا حبك قبور
وأجمل عواطف دنيتي كانت بعيني مرجعك
لوكـان حبك وردة..كان أحترق عطر الزهور
وإلا تحول صورة في كل لحظه ..تصفعك
"ماكنت أظن إحساسنا ممكن مع الضيقه يبور"
ولا حسبتك ترتجي شوقي وأعاند وأمنعك
ليل يطول ومايجي له بعد طول الليل نور
حـب يموت ويشتكي ويرد فجأه ...يتبعك
ماعاد بيدي أنفعل.. وأزعل ..أعاندهم..وأثور
ماعد فيني أشتكي وأسمع كلامك وأقنعك
طيفك وخنته وأعترف..؟؟كلي معك قسوه وجور
دامي نثرتك فالهواء..لايمكن أرجع وأجمعك
حاولت أنسى وأنسحب هذا هو العالم يدور
"أنساني الله يحفظك ويكون بأحزانك معك"