وين انت ياحمـــدان امــك تنادــيك...وراك ماتسمع شـــكايا ونـــدايا

يامسندي قلبي على الدوم يطريك...ماغبت عن عيني وطيفك سمايا

هذي ثلاث ســنين والعين تبكــيك...ماشــفت زولك زايــر ياضــنايا

تذكر حياتـي يوم اشـيلـك واداريك...والاعبك دايـم وتمشـي ورايا

ترقد على صوتي وحضني يدفيك...ماغـيرك احدٍ سـاكن حشــايا

واليا مرضت اسهر بقربك واداريك...ماذوق طعم النوم صبح ومسايا

ياماعطيتك من حنانـي وبعطيـك...تكــبر وتكــبر بالأمــل يامنــايا

لكن خساره بعتني اليوم وشفيك...واخلصت للزوجه وانا لي شقايا

انا ادري انــها قاســيه ماتخليــك...قالت عجـوزك ماابيــها مــعايا

خليتني وسط المصحه وانا ارجيك...هذا جزا المعروف وهذا جزايا

ياليتني خــدامــه بيــن ايــاديــك...من شان اشوفك كل يوم برضايا

مشكور يا ولدي وتشكر مساعيك...وادعي لك الله دايم بالهدايا

حمدان يـاحمدان امــك تـوصيــك...اخاف من تلحق تشوف الوصايا

اوصيت دكتور المصحه بيعطيـك...رسالتــي وحــروفها من بكــايا

وان مت لاتبخل علي بدعاويك...واطلب لي الغفران وهذا رجايا

وامطر تراب القبر بدموع عينيك...ماعاد ينفعك الندم والعنايا



(حسبي الله ونعم الوكيـــــــــــــــــل)


م
ن
ق