فلسفة شاعر كيبورديه اتمنى ان تنال استحسانكم تحتاج تركيز

البارحـه مابيـن لالا ويمـكـن
قضيت ليلـي بيـن يمكـن ولالا
خليتنـي مابيـن ماظـن واظـن
وسجت بي الافكار والفكـر جـالا
سهرت ليلي كلـه اسـب والعـن
يلعنـك ياحـظٍ تعكـس ومــالا
اسامـر اللوعـات وانـوح واون
ونـة يتيـم اهمـوم قلبـه تتـالا
قامت همومي فوق صدري تلـون
لاراح همـي هـم يأتـي ويـالا
عليك ياللي داخل القلـب تسكـن
قصـرٍ لحالـك لا لــذولا وذولا
ركز معي ياغاية الـروح وافطـن
في قافي اللي لك بنيته علـى (لا)
ابتفلسف لـك وابظهـر واببطـن
من فلسفة شاعر وسيـع الخيـالا
الكيلو الف جرام لكن وش الطن ؟
واقرب مسافه صح خـطٍ عـدالا
والـذره التعقيـد فيهـا ويكمـن
صعبه وايضـا تجزأتهـا محـالا
لُكـن جـا بالانشطـار وتمـكـن
تمكن اشتاين وسـوى انفصـالا
وركز معي في لا مع لم مـع لـن
للنفـي تستخـدم بليـا جــدالا
وافهم وش المقصود لاقلت لكـن
هاذي ترى استدراك في كل حـالا
قال المثل قد وافقت طبقـه شـن
وقال القناعه مال عن كـل مـالا
وركز ترى الدولار ماهو كما الين
مثل الجنيه اليا صـرف بالريـالا
شتـت افكـارك توكـل وخمـن
يمكن تصيب وذي تصيب استحالا
ليه على القـاف المعقـد تمكـن
شاعـر ولامـن قـال ماقـام لالا
نرجع شويه وانت هالحين لحٌـن
لحن علـى الطـاروق يـالالالالا
بشتتـك تشتيـت ياليـن تيقـن
اني بحر وان البحـر دون جـالا
ركز ترى البيلوت شريه وديمـن
وايضاً سبيت واحمر القلـب لالا
والحكم عشره واحد وعكسه الصن
خمسه بواحـد والخسايـر تـوالا
خليني اسكت ياهوا البال احسـن
من فلسفة شاعر طويـل الحبـالا
اخاف راسك لو تفلسفـت دخـن
واخاف دمعك لو تبصـرت سـالا
خلي حبوبي داخل الراس تطحـن
ولاتتعبي نفسـك بكثـر السـؤالا
شاعر وله بالشعر مس من الجن
نجمه على كـل النجـوم يتـلالا
وختامهـا خليتنـي دون موطـن
تقفـي وتقبـل ياحسيـن الـدلالا
بذكرك قلتـي فهـد يـوم يـاذن
بحق الاذان اتقول مانسى الوصالا
وصلوا على المختار ماصبوا البن
على النبـي صـلاة ربـي تعـالا