هذي سوالف وانواع التماسيح في الباااص


عشاق الكورة

تمساح1 :: يا خووك احلى شي عاد لين الوصل تصدر الدوري
تمساح2 :: ايه والله .. جفت قول آيتوو عاد شق المرمى شق فديته هالريال
تمساح 3 :: روحووو مناك .. بييكم الشبح المدريدي بينثـر هاليهال
تمساح1 :: روح روح .. مدريدك ذيله الحمدلله فازو على الدرجه الثانيه

وتقوم الضرابة والتكفيخ .. وتلقى واحد منهم مسدوح عـ الارض
والثاني معلق على الباب


المغازلجـيـه

تمساح 1 :: اااخ يا الحبيب جفتهااا .. هذي قاعده صوب الدريول
تمساح 2 : تقصد هذي ام العباة فيها ستين فراشه ؟!
تمساح 1 :: لااا يا حظي العوي .. اللي عباتها الخفاش ..
تمساح2 :: هيه هذي كشخه يابووك بس يقولزن ما تعطي ويـه
تمساح1 :: ما عليك منها .. بتطيح بتطيح ..

عاد الاخو اييب تاريخ اهلها واجدادها على اساس ان انا اعرفها ترى !



( راعيين الطنازة )اللي يتمصخرون

تمساح 1 :: جووف جووف .. هذي ام عباة راس صدقني بطيح
تمساح 2 :: شدراك انها بطيح ؟! الا اذا عينك فـرن
تمساح1 :: يا العله بتجووف احين

" البنت بتنزل من الباص "

تمساح 1 :: حجيييييييييه عبااتج

طــــــــم طـــرااااخ ( طيحه على الويه )

تمساح 1 & 2:: هههههههههه

وتقعد تسب فيهم وتلعن وهم للحين يضحكون عليها



عشاق الكتب ( ما يشيل راسه من الكتاب ساعه )

تمساح 1 ( قاعد يراجع اخر درس من الماده )
تمساح2 :: وين وصلت اي بوينت ؟!
تمساح1 :: رقم 6 بس مب فاهمها .. تشرحها لي ؟!
تمساح 2 :: اوكي ..

ويشرحون حق بعض ويدور الباص ويفتر وينزلون الطلبه كلهم وهم للحين في الباص .. لين اييهم الدريول ويقولهم يلاااا فكوني بروح بيتنا



صبيان على غير العاده " هاذيله في حالهم"

تمساح 1:: هلا شلونك ؟!
تمساح2: بخير الله يسلمك شلونك انت ؟!
تمساح1:: الحمدلله بخير يعافيك

انتهت المحادثه .. واحد يطالع من الدريشه والثاني سرحان والا راقد



عشاق البتـه و الاونو

تمساح 1:: العـــــب خل اكسر راسك .. تقط لي ثنتين الكلفس
تمساح 2 :: عشان اتييك الاكـلـه العدلـه ( يلعبون كوت )
تمساح 1 :: يا عمـــي .. بنجوف ترى الجوكـر يايك يايك
تمساح 3 :: العب العب حبيبي يقولك جوكر ما عليك منه زين

والصراخ ينسمع للدريول .. ولا جنه احد يمهم .. ويجوز احيانا ان الكل ينزل الا هم يتمون بالباص طبعا من عقب الصبيان مال الدراسـه والكتب



عشاق الاغانـي والطقطقه

تمساح1 :: يا مونيتي يا سناااا خاطــــررري وانا احبك يا سلام
تمساح 2 :: ياهووو .. هلا هلا روووح
تمساح 1:: ليه الجفااا .. ليه تهجرنــي وانااااا وانا وانا احبك ..
تمساح3 & 4 :: احببببك .. احبببببك يا سلاااااام حبيبي انتـه روووح

مساكين ذيله .. تلقاهمـ يفكرون يغنون في عرس .. ويوم فكروا و راحو شاتوهم بالنعـل !


فئة الموضـه


تمساح 1 :: شفت وائل كفوري شمسوي والله عجيييب شعره مالي الا اروح الريتز يسوونه لي صاير مو شي ( واااي يحليلك اسم الله عليك )
تمساح 2 :: لالا ما عجبني احلى شي قصة عمرو دياب بس ناقصه صبغه اشقر على صوب والله يطلع كووول

هاذيلة مساكين بعد .. اخرة هالقصات بيسوون تسريحة المطربة صباح ! تخيلوا


فئة البناتـيـه

تمساح 1 دايس على ريل الثاني عن غير قصد
تمساح2 :: آآآي يعوورني
تمساح 1 :: اوه سوري عورتك وايد ؟!
تمساح 2: لا لا خلاص طاف حبيبي
تمساح 1 :: لا صج عورتك ؟ اسف يا قلبي ما كان قصدي اجرح مشاعرك


تحياتي لكم سحالي

--------------------------------------------------------------------------------