ليتك تموت اليوم وارتاح انا منك
يرتاح قلب بالخيانة طعنته

ليتك تموت وبثوب اسود اكفنك
واطوي معك صفحة عذاب رسمته

ليتك تموت و داخل القبر انا ادفنك
وادفن مع الجثمان جرح جرحته

ليتك تموت اليوم محد درى عنك
غير الخفوق اللي وفا لك وخنته

ليتك قبل لا تموت في صدرك اطعنك
واصيح باعلى الصوت حقي اخذته

يلعنك قلبي والاحاسيس تلعنك
و يلعنك دمع صادق لك نثرته

جننتني يا جعل ربي يجننك
لا وحسافة ليلي اللي سهرته

منتب كفو قلبي له سنين صينك
منتب كفو للي من اجلك فعلته

وش موقفك لو كنت انا اليوم خاينك
وش هو شعورك لو فؤادك غدرته

غدار خاين خنت قلب يحبك
قلبي عطاك الحب وبيدك ذبحته
تحياتي