الشاعره/موضي البرازيه والمثل اللي يقول(رجال مويضي).

--------------------------------------------------------------------------------

الشاعرة/موضي البرازيه من اشهر شاعرات الجزيره العربيه.

حياتها مليئه بالغرائب والطرائف والمواقف العجيبه.
يقال انها كانت تغني فاثارت غضب بعض المتدينين ,وشكوها للدولة والتي
ارسلو لها من يوبخها ويؤدبها ويدعوها لعدم العودة مجددا للغناء,وفي احد
الايام كانت تشدو بجانبها حمامة فقالت تنصحها بان تغني في غير هذا المكان
الذي عوقبت فيه بسبب الغناء ونصحتها بالذهاب الى (الفرعا) بلد الوداعين
من الدواسر,لانهم يحمون الجار.
وهذه قصيدتها:-
ياسعد عينك بالطرب يا لحمامه..ياللي على غصون الجرايد تغنين
عزي لعينك وان درابك سلامه..خلاك مثلي يالحمامه تونين
كسر عظامي كسر الله عظامه..شوفي مضارب شوحطه بالجاجين
وان كان ودك بالطرب والسلامه..عليك بالفرعه ديار الوداعين


وهذي قصة طريفه جرت بين موضي واختها بنا وكانت شاعره ايضا
بان نظمت قصيده تفتخر فيها بزوجها,وانه افضل من زوج موضي
واكثر كرما وشجاعة ,فتقول موجهة الخطاب لمويضي:-



شوقي غلب شوقك على هبة الريح..ومحصل فخر الكرم والشجاعه
ركاب شوقي كل يوم مشاويح..واذا لفى صكو عليه الجماعه
يالبيض شومن للرجال المفاليح..ولاتقربن راعي الردى والدناعه

فردت مويضي على اختها..قائلة:-

ماهوب خافيني رجال الشجاعه..ودي بهم مير المناعير صلفين
اريد مندس بوسط الجماعه..يرعى غنمهم والبهم والبعارين
وذا نزرته راح قلبه رعاعه..يقول ياهافي الحشا ويش تبغين
وان قلت له هات الحطب قال طاعه..وعجل يجيب القدر والمواعين
لو اضربه مشتدة في كراعه..ماهوب شانيني ولا الناس دارين

وعلى كذا راح المثل(رجال مويضي).

كما ان مويضي لها رائعة بيت يغني الكثير:-

اللي يتيه الليل يرجى النهارا..واللي يتيه القايله من يقديه؟؟


منقول...