السلام عليكم ورحمة الله ،،


قصيدة للشاعر .. مبارك العنزي ،،

أجل وشلون لا شفتك !!



هلا بك لين ما ( تعقل ) جنون العاطفة / لرضاك
هلابك لين ما ( تغفي ) عيون الحب في/ جيشك



حياتي لو هي الدنيا مساحة تبعد .. فلقياك
لاسيّر ( خاطر ) الدنيا وأعيش العمر وأعيشك



احبك / فوق أغصان المشاعر ارتجي رؤياك
إذا كانت هي ( طيوري ) تنام وتنتظر طيشـك



تعال وشتت أشباه الحديث واعصف بطرياك
تعال وهجّــد أشباح الظنون وعاصمة / ليشك



أنا ما جيت أتفاخر بعمر ٍ ما يجي ويّـــاك
أنا وان جيت متفاخر بملح الحب ؟ من / عيشك



احبك إيه اعرفها بمضمون الغلا ( ترقــــاك )
احبك إيه ما اجهلها .. وأنا بالصدق ( درويشـك )



أنا ما ( مل ) من طيفك إذا كان ألوفا ( مبداكــــ)
وأنا ما ( مل ) من طير ٍ ينام ويفترش ( ريشكـ)



وأنا ما ( مل ) من درب ٍ اخذ في داخله ممشاكـ!!!
وأنا ما ( مل ) من قلب ٍ اخذ / كاشك وبقشيشك



وأنا وان جيت في بالي ... تراني صحت لك افداك !
اجل وشلون لا شفتك قبالي ...وكنت ماميشك؟



احبك أيش ( هالهرجه ) أنا عايش على معناكـ....
احبك ليه تسألني وأنا مجنون ( تطنيشـك)



في كل أحوالك اشتاقك وأدندن بالخفى مغناكـ..!
في كل أحوالك ( أتعمق ) أهيم بكل تدويشك



احبك فوق ما تبني قناعاتك على ( مرضاك )
احبك فوق ما تعلا نجوم وتسكن ( بأيشك )



أنا يا غايتي شاعر كتب قافة على ملفاك
اخذ عهد ٍ على نفسه يذوب بكل تربيشك