09-07-2008, 01:31 AM
XML
|
|
|
يالله ياللي لك على الخلْق سلطـان
يـــــــالـــــلــــــه يـــــالـــــلـــــي لـــــــــك عـــــــلــــــى الــــــــخــــــلــــــــْق ســـــلــــــــطــــــــان
يالله ياللي لك على الخلْق سلطـان
ياواحـدٍ كـل الخلايـق تهيـبـه
يا رافعٍ سبع على غيـر عمـدان
ياعالـم الدنيـا بيانـه وغيـبـه
يابانيِن دينك على خمسة اركـان
وأرسل رسوله للبشـر تهتديبـه
ويا واحدٍ فوق المخاليق لك شـان
يا مْرَجعٍ يوسف عقب طول غيبه
أرجيك حيث اللي ترجاك ربحـان
واللي رجا غيرك تـردّى نصيبـه
أسألك عفوك وامتانك و الإحسان
وأسألك أنا عَطفٍ ولطفٍ وهَيبـه
ربي وأنا عبدك وعندي بك إيمان
ما خش قلبي فيك شـكٍ و رَيبـه
ربي وأنا عبدك ترجّـاك شفقـان
أنت الذي من يطلبـك تستجيبـه
يا جاعلٍ للخيـر والشـر ميـزان
يا غافـر الـزلاّت سَتّـار عَيبـه
أدعيك وأنت مصوّر الأنس والجان
والنمل فوق القاع تسمـع دبيبـه
أسألك في دنياي سترٍ على أيمان
وأسألك أنا التسبيح عند المصيبه
وألوذ بك يارب عن كل شيطـان
وأعوذ بك عن الضَّيم هو الغليبـه
واليا خذيت الرّوح تاخذ بالإحسان
وتوسن يا صرت تحت النصيـب
وأسألك أنا يارب رحمه وغفـران
في يوم ما ينفـع قريـبٍ قريبـه
في يوم ما ينفع قرايب ولا إخوان
يومٍ صغير السـن يغشـاه شيبـه
يومٍ عظيم فيه رابـح وخسـران
أحدٍ سعيد الحـظ واحـدٍ بخيبـه
الناس حفيانة شبـابٍ و شيبـان
كلٍ بنفسـه مـا يهمـه صحيبـه
من عظمة الأحداث زاغن الأذهان
كلٍ يشوف بعينه أشيـاءٍ غريبـه
يارب ياللى خالقٍ كـل مـا كـان
تعطي ليا من العرب شـح جيبـه
أسألك أنا الجنة وطالبك رضـوان
وتفكني من نـار يشعـق لهيبـه
وتجعل لنا مع صفوة الخلق مسكان
يـا شافـيٍ جـرحٍ تعذرطبيـبـه
وصلاة ربي عد مـا كايـنٍ كـان
على رسـولٍ سنتـه نقتـد يبـه
الله يرحم قائل القصيدة الشهيد منصور الشمري
|
