هبت هبوب الشمال بردها شين .... ماتنفع الكام لو حنا شغلناها

مقدمه:

أنصح الزملاء الأعضاء الي يبون يستعرضون ويشغلون كاماتهم على بنات المذن الي معهم بغرف التشاتات او الماسنجر بمتابعة النشرات الجوية خصوصاً حسن كراني لمعرفة حالات البرد والطقس 00 حيث كثير من الأعضاء .. لايوجد عندهم مناعه من البرد ومايمديه يفصخ ثوبه الا وهو مزكم وطالعه مخاطته بلكام ثم يتفشل قدام خويته وبتصير تسميه دائم مخاطان ولذلك جرى التنويه وخاصه للأعضاء اللي صدورهم مافيها شعر
وعاد ياكثر الاعضاء الي مافي صدورهم شعر اذا شفت صدره وهو يستعرض بلكام ماتفرق بين صدره وصدر الي يستعرض لها الا اذا طلع وجهه الي كنه طوفريه بيالات
لكن انا ماني مخليكم بعطيكم عده نصائح مهمه قبل تستعرض وتطلع جسمك في ها الجو القارس


خطوات الاستعراض بالكام ...

1) لأزم تشب الدفايه وتحطها تحت الكرسي اللي تجلس عليه عند جهاز الكمبيوتر وتشغل المكيف على الحار وتثبت فتحت المكيف بمواجهة الكام ... وان حصل منقد فحم تحطه بوسط الغرفه منها يدفي ومنها يعطي لون أحمر للجسم ..:D
2) قبل تشغل الكام حاول أنك ماتحط الكام على وجهك ... خصوصا اللي وجيههم كنها مبرك ناقه وركز على منطقة الصدر خصوصا أذا كان فيها شعر زي شعر العم بيجو واياني وياكم تطلعون وجيهكم يا الشيون ثم تشوف البنت وجهك وتقولك برررررب
3) إذا جيت بتطلع وجهك ... حاول أنك تلف عليه قصدير ... أو تتلطم بمطرحه أو شرشف لأن فيه ناس يمكن تعرض لهم ... ويصطادون بالماء العكر ... وماتدري الا وصورة وجهك مع كل من هب ودب
4) قبل تعرض على الكام حاول تتأكد من الشخص اللي تعرض له أنه يكون من ناس محكحكة معادنها .. ولا يكون من ناس مهوب محكحكة معادنها علشان تضمن مايكون فيه تصوير ونسخ وبرنت سكرين وفضايح لأن الناس اللي محكحكة معادنها مايخون ولا يبيع ضميره مهما صار .. مهوب مثل اللي مهوب محكحكة معادنهم ... من أدنى أو أصغر سبب الا تشوف صورك بقناة فوكس وتحتها أرقام مكتوب عليها أتصل علي ياحبيبي أنا على نار ... ومن حبه للفضايح أنه مطلع صور الدفايه والمنقد وسلك المسجل الي بغرفتك:D
5) إذا جيت تعرض على الكام لازم تحط الماسنجر الحاله بالخارج .. أو سأعود حالا ...مثل طريقة طرش بحر علشان تفتك من القلق اللي معك بالماسنجر اللي يزعجونك ... وانت خاش جو وجالس تهز جسمك ماتدري الا واحد خاش عليك وقايل لك ليش مارديت على موضوعي ومن هالخرابيط هذي تعجبني طريقه طرش بحر بلاستعراض مايستعرض الا وهو متروش بجص او طحين
6) وانت شاري كام لازم تشتري معه حبل وتعلقه بالمروحه علشان إذا صار خيانه وغدر من اللي تستعرض له يمديك تعلق رقبتك وتشنق نفسك عشان تطلع من الفضيحه .. وخصوصا عاد أذا كنت تستعرض وصدرك مافيه شعر ... يعني لو كان في صدرك شعر كان يمكن يشفع لك أنك ماتنتحر .. ماهوب مثل اللي يستعرض ويفضح نفسه وهو صدره مافيه شعر لذلك وجود الحبل ضروري خصوصا في الزمن هذا اللي ذمة الواحد فيه زي ذمة المصريه في الصيف تحلف وتقسم أنها ماتعرف وماحبت الا أنت ... وما يمديها تطلع من الشقه الا هي داخله في الشقه اللي تحت على واحد غيري
7) وانت تستعرض أو وانت خاش في عالم الاستعراض لابد ان تجهز وصيتك لأنك منتحر لامحاااااله عاجلا أو آجلاً .. والمثل يقول ياماشي درب الزلق لاتامن الطيحه ...
8) إذا انت صامل ومعزم الا تستعرض ... ياليت تروح تشوف وجهك بالمرايه .. بالله عليك هذا وجه واحد يطلع في الكام ... ولا وجه واحد يطلع في قناة أم درمان ... فرفقاً بالقوارير يالوجيه المخيسه .. ياللي وجيهكم ماتستاهل من يتعب نفسه ويفضح فيها .. ولا تجيب قيمة الحبر والتصوير عشان يفضحون فيكم
9) إذا سمعت طقطقه في المسنجر وتنخيس ... أوقف العرض حالاً ... فهذا هكر يبي يخترق المسنجر أو بيقص وينسخ الباسبور حقك ... لذلك لازم تكون أذ*** مفتحه لسماع أي صوت أو حثربه بالمسنجر .. لاتصير تدربي راسك وتمطط وتتقلب وانت ماتدري وش بيصير لك
10) إذا كنت ناوي بتطلع وجهك .. وفيه دمل نصيحه أجل الاستعراض كم يوم الين يروح أو ينفضخ الدمل لأن الطبيعة البشرية وخصوصا البنات يشمأزون ويتقرفون من الدمامل ... يعني تطلع وجهك وفيه قطو ناشب فيه أو جرذي يمص شفتك .. اهون انك تطلع قدام البنات ووجهك فيه دمل ... لأن الدمل عدو البنات .. ولو كنت راغب علامه أو وائل كفوري ووجهك فيه دمل ... تستعرض قدام بنت ... صدقني أن تسوي لك بلوك ودليت ولو وجهك كنه خالد الملا أو وجهك مثل مضيع بيتهم وتستعرض ووجهك مافيه دمل صدقني البنات يتقبلونك ويرحبون فيك .... كلش الا الدمااااااااااااااااااااا اامل ( مادري ليش البنات مايدانون الدمل ؟؟؟؟؟؟ )
11) إذا كنت قصير .. او قزم .. حاول أنك تحط تحتك تنكه أو أي شي يبين أنك طويل لأن البنات يحبون القير الارضي ومايحبون الدبل لأنه صغير ...
12) إذا تأكدت من أنسراق المسنجر عاجلاً طبق الفقره رقم 6 ... لأنك راح تنفضح وبتنتشر صورك
13) وانت تستعرض لازم تدهن نفسك بعلبتين فازلين عشان مع الاضاءه تلق وتلمع وتطلع كنك جبهة تكروني توه راجع من هجمه مرتده في عز الصيف
14) وانت تستعرض تأكد انه مايكون وراك مرايه علشان ماتطلع الماخوذه وتنفضح .. ثم تقول لك اللي تستعرض لها .. صدقني أن مقفاك أحسن من وجهك
15) قبل تشغل الكام تأكد أنك ولد ناس وولد حمايل .. والنت يجمع الصاحي والطاحي والنصاب والكذاب علشان مايصير لكم مثل ماصار لي في الموضوع اللي بتقرونه الحين





الموضوع



مادري وش الله أقردني وخلاني أخش النت .. انا أنسان قروي وما أعرف غير المسحاة وخرف وصرام النخل .. وتوليد المعزى والبقر .. ونعالي دايم مليانه خثايه لدرجة انك لو تفتش شعري تلقى نصه دمن وقموع نخل وما أعرف الا المزرعه من الله خلقني .. الين تعرفت على واحد دارس في نيوزلندا وجاي ومعه لبتوب .. سيرت عليه أبي أسلم عليه ولقيته فاتح الجهاز وجالس يسولف مع بنات ويطلعون صورهم وبعد ماسلمت عليه جلسني جنبه وقام يوريني ويشرح لي شلون العالم عايشين .. وصرت أشوف مقدمات وموخرات وانا طول عمري ما أفك ولا أخرم الا مقفيات البقر ومقدمات الشغالات
المهم قام خويي يعلمني ويشرح لي وشلون يخش النت الى درجة أنه تبناني وقال لي إذا ما أخلي ماسنجرك يامخاوي الترنج مثل قناة غنوه الخليجيه كله بنات يرقصون ويهزون ... ثم قال لي ممكن تطلع برى يامخاوى الترنج عشر دقايق .. قلت له ليش .. قال لي عشان خويتي طالبه مني أتفصخ أوريها جسمي .. قلت له .. تتفصخ في هالمربعانيه .. قال لي برد الحبيب مثل أكل الزبيب
بعدين قلت له لاتتفصخ دقايق بشب الضو في المنقد واذا دفت الغرفه سو اللي تبي .. أروح المزرعه وأجيب عساوه وخوص وكرب نخل وأشب الضو في المنقد وأدخله عليه بالغرفه الين طلعت الدخنه وقلت له الحين تفصخ يحقلك تتفصخ مدام صدرك كله شعر كنه ثيل تحت تانكي مويه .. عشان تطلع مع الدخنه كنك وحده معرسه مشغلين البخار على الكوشه
وحط عند مدخل الغرفه علامة مشغول بالخارج .. ( مهوب عاقل ... طرش بحر على غفله ) يوم أنتهى ناداني وقام يكمل شرحه لي كيف أخش عالم النت ... وقررت أني أشتري جهاز وأخش عالم النت
وبحكم أني طفران .. قررت أني أبيع البقره .. وألعب على أبوي وأقول أنها ماتت .. ان ثور جيراننا كان حاف يوم طمر على البقره كسر ظهرها ... لأن البقره توها صغيره عمرها 18 سنه وما تحملت قام أبوي وقال وين سحبتوها ونطلتوها فيه .. قلت يمكن أخذها واحد من القصابين الجزارين من الوادي اللي نطلتها فيه وصلخها وباعها على الناس .. على أنها حسيل
المهم انها مشت على أبوي ... ومايدري أني بايعها .. وشاري جهاز كمبيوتر وصرت أطقطق وأخش في المنتديات والتشاتات والبالتوك ولا قدرت أتعرف على أي بنت .. وأي بنت اخش عليها أقول لها .. ابتعرف عليك .. تقول ورني صورتك بالكام ... أو أرني ذقنك .. اللي مثل ذقن الصنقلين
بعدين يوم شفت أني ماقدرت أتعرف على أي بنت قررت أني أشتري دومين .. لكن وين الفلوس ... قررت أني أبيع العنز السوريه الدافع ... وبلفعل بعتها ولعبت على أبوي وقلت أنها ماتت ... وقلت له نفس سالفة البقره وبرضو صدق
يوم شريت الدومين .. أثره يبيله مصاريف ... وستايلات .. وأستضافه .. وهاكات ... وتوكات .. وبرنت سكرين .. وشحن بطايق سوا .. ودعم فني .. وتطوير .. وكل هذي يبيلها فلوس وانتم عارفين أني طفران .. وقررت مره ثانيه أبيع التيس .. ولا كفى المبلغ وبعت الثور .. ورجعت ثاني مره وبعت الدجاج والبيض البلدي حق الوالده ... فضيت مزرعتنا من جميع الكائنات والحيوانات والثدييات ومعاد في المزرعه الا العصافير لدرجه اني فكرت اني اقطع عرق بمزرعتنا علشان اوفر المصاريف .. وابوي مصدق أنهم يموتون وان فيه جزار يسبحهم من الوادي ويبيعهم .. ومايدري أني غايص وعايش في عالم النت ومع كل هالخساير ماقدرت أتعرف على بنت حتى جنس ثالث ماعطاني وجه رغم هالخساير اللي خسرتها ... فكرت أني ابيع المزرعه .. تذكرت أن ماعليها صك .. والظاهر أن ابوي وأجدادي سارقينها
وضاقت بي الدنيا وقررت أني أنسحب من النت ... وأرجع للمزرعه أعوض خسايري وأحاول أعدل سهمي الوهمي في النت الى سهمي في البقر والمعيز الين قابلت خويي اللي جاي من نيوزلندا وقام يقول لي هاه وش سويت .. وكم وحده تعرفت عليها .. قلت له وش صار لي والخساير اللي خسرتها وماحصلت شي ... قام يضحك وقال لي أنت مهبول .. ليه كل الخساير بدال هالفلوس اللي خسرتها كان شريت لك كام بثلاثين ريال وقمت تستعرض في الغرف والتشاتات .. صدقني أن البنات كلهم هم بيصرفون عليك ترا كل البنات الي يخشون النت عيال نعمه قلت وش دراك انهم عيال نعمه قالي ماتشوف ان كل بنت في الانترنت تربيلها قطو او كلب اوسنجاب او دب صغير ويحطون مكياج بركبهم وكراعينهم من الفسقه والطغاء
بس يبيلك قبل تستعرض بالكام تغمس نفسك في طشت ديتول ... وتفرك نفسك بصابونه أم عنز .. ثم تروح لم حلاق تركي يضبطك ويحط لك قصه تناسب وجهك الطويل اللي كنه قاعدة عمود أناره
وكل هالعملية ذي ماتكلفك ولا قيمة عنز ويبيلك بعد تشيل النفوط الي بوجهك الي مخليه وجهك كنه بكتيرياء
ومن صباح الله وانا معبي بركة المزرعه ثلاثه جوالين ديتول بالصنوبر ... وثلاث جوالين شامبو مغاسل .. وعن الشكه فكيت جيك ديزل وخلطتهم بالبركه وأخش بالبركه يومين الين أحمر جسمي وولع نار وصارت بشرتي كنها رحم بقره من الطراوه والليونه ... ثم طلعت من البركه وأروح لأقرب حلاق تركي ويبدى يطالع وجهي وقال لي ... انت يبيلنا نسوي لك قصة الصفاق .. قلت شلون قصة الصفاق
قال لي أنت شكلك ماتتفرج على أفلام مباريات الشعله والبرازيل كثير .. قلت وضح لي .. قال لي قصه الصفاق هذي نسويها للناس اللي وجيههم كنها صفاق جيزانيه طالعه من نفاس
قلت سو اللي تسويه أهم شي اني أطلع بشكل لايق ووسيم قدام البنات في الكام .. ويوم طلعت من الحلاق علطول محلات الكمبيوتر ... واقعد أتنقى من الكامات .. الين شفت لي كام مدحرب وعدسته تلمع كنها مخاطه في الشمس .. قلت بس هذا الزوم والعدسه اللي بتصفي بشرتي وبتطلعها كنها بشرة تايلنديه الى درجة من شافني يحسب أسمي مخاوى البشراوي ... وبعد ماشريت الكام رحت للبيت .. وأخش الغرفه ... واشبك الكام في الكمبيوتر وأبدى أستعرض في التشاتات وفي البالتوك .. وأخش على وحده في البالتوك وأبدى أسولف معها قالت لي والله أسلوبك حلو ... بس ماقدر أتعرف عليك الا الين أشوفك في الكام وبحكم أني قروي وعلى نياتي علطول أشبك الكام وأتفصخ .. وابدى أستعرض ومشغل اغنيه سامريه بردك يجي نسناس يا سهيل يا الجنوبي وقامت البنت تضحك
قلت ليش تضحكين قالت لي ... تذكرت وانت تستعرض ومفصخ كنك بعرصي في جدار علشانك نحيف مرره وانا ما أحب النحاف .. أبي واحد مربرب كنه يونس شلبي ... وتطردني وأروح لوحده ثانيه وانا شابك الكام مافصلته وأدخل عليها ... يوم شافتني قالت بسم الله الرحمن الرحيم ... وش جاب رابح صقر للبالتوك .. المهم انها أعجبت فيني وقالت أنا أحب النحاف اللي أجسامهم كنها مصواط جريش ... وأعطتني الماسنجر وأضيفها وانا برضه شابك الكام مافصلته ( عنز بدو طاحت بمريس ) ... قالت لي شفيك أنت ماعندك ملابس ومطلع وجهك بلكام على طول كانك بتال القوس
قلت لا والله .. الا عندي جميع الماركات .. بس مشغل المكيف على الحار ... وحاط الدفايه ومنقد فحم وقامت تطلب مني جميع أجزاء جسمي .. لدرجة أنها تقول للخلف دور ... أستعد !!
الظاهر أن ابوها كان رئيس رقباء في الحرس ... وانا مدرعم ماأدري وين الله حاشرني وأنفذ كل شي تقوله .. ويومياً معها على الماسنجر ... مفصخ الي يشوفني يقول بطل العالم بسباحه حتى مره كنت مفصخ وماعلي الا شراب العايله .. قالت لي أفصخه .. ودي أشوف الشطوب والشقوق اللي في رجليك وأشوف أضافر رجليك هي طويله والا قصيره
وانا مايحتاااج ما أقول لاااا .. ماصدقت على الله أن وحده تضيفني وأثاري كل هالايام تصورني وتسجل صوتي وتخزنه ... ماخلت شي في جسمي الا صورته ..لدرجة أن الكوي اللي في راسي مسويه له برنت سكرين وحافظته 000 وبعد مده .. قامت تطلب مني فلوس ... وانتم عارفين أن مافي حوشنا شي ... ومحصول التمر باقي عليه ثلاث شهور ... وماعندي شي أبيعه ! الا الشرف هو الي باقي
المهم قالت لي ... شووووف .. هذا رقم حسابي .. حول لي 1500 والا كل صور جسمك ومحادثاتك حافظتها وترى أبفضح فيك .. في كل مكااان ... حتى موقع زوجتي ومواقع العانسات والمطلقات وماني مخليه ولا دومين في الانترنت الا أبنشر صورك فيه(الله يلعن شكلها شكلي طحت في وحده من التيار الصدري ) ... المهم قلت لها .. والله ماعندي شي وان النت طفرني وما أملك الا جوال العنيد .. ممتحيه أرقامه
قالت معك مهله يومين ... إذا مافيه حسابي شي أببدى أرسل فضايحك يالمعصقل يادودة القز
رحت لخويي اللي جاي من نيوزلندا وشرحت له وش صار لي .. قال لي لاتهمك بس تراها تهدد .. وكذا أكثر البنات ... وصدقته والا كنت ناوي أروح أسبلها في منفوحه عشان أجيب لها المبلغ اللي طلبته
وبلفعل جحدتها وصدقت كلام خويي ... وبعد ثلاث أيام الا واحد يدق علي من أخوياي ... يقول لي وش أنت مسوي أنت ماتخش النت ماتشوف صورك ... في كل مكان .. وكل موقع .. وكاتبين تحت صوري
(من أراد ان يسوي رجيم ... عليه مشاهده هذه الصور )
قلت لخويي مهوب أنا ... يمكن واحد يشبهني ... قال لي وين يشبهك .. والكويه اللي في راسك وحبة الخال اللي في مقفاك طالعه .. المهم سكرت الخط .. وشوي الا يجيني أتصالات كثيره من أرقام ناس أعرفهم .. وناس ما أعرفهم ... وقمت أتنافض ولاعد رديت ... وبعد أسبوع الا الخبر واصل كل حارتنا وقاموا يسحبون ويصورون من النت ويوزعونها في الحاره ويقولون ولد آل ترنج صار فوكسي نسبه لقناة فوكس
وبعدها .. رحت للسطح وأخذيت الحبل حق نشر الغسيل .. وأنزل تحت للغرفه وأعلقه في المروحه وأشنق نفسي ونتحرررررر... وقبل ما اشنق نفسي كتبت وصيتي اللي هي







لاتبيع البقر والضان والمعيز ... علشان تستعرض وتسوي ستربتيز
ولاتسمع كلام واحد نيوزلندي ... وتصير فضايحك كثر صيدليات النهدي
وخلك دايم لابس الخلاقين ... ولا تتفصخ وتصير مثل الشياطين
ويازين وجه اللي لابس ومتلطم .... ولا واحد متفصخ مهوب متحشم
ولياك تحط علامة بالخارج أو مشغول .... ترى الناس عارفين وش تسوون
ويازين عالم المزارع والبهايم الثدييات .... ولاعالم النت والماسنجر والمتعريات
ويازين صوت البقر ودمن المعيزات ... وياشين الكام والمايك والاستعراضات
وشعر صدر العم بيجو خدر البنات .... من كثرته تحسبه واحد من النعيميات




وهذي هي وصيتي

للمراسله أو الاستعلام
مراجعة أقرب وكيل معتمد لمرهم وعصار الدمااااااامل .. للمعلوميه ليس لدينا فروع أخرى ... وعن أذنكم تآخرت على خويتي بروح أستعرض لها على الكام





ملاحضه

كتبت هذا الموضوع حسب التوقيت المحلي لمدينه الافلاج وعلى الاعضاء خارجها مراعاه فارق التوقيت وكذلك هذا الموضوع على الموجه الطويله التي طولها 54321 كيلو هيرتس وعلى مستمعينا في المنتديات الثانيه ان يتحولو مشكورين على الموجه القصيره التي طولها 76 كيلو هيرتس
__________________
منقووووووول
تحياتي : سعوديه و افتخر