أنت غلطان في رقمي وعنواني !!
الرسايل اكيد لناس تغليها
يوم طبعك كذه ما ابيك تهواني
الله يسهل دروبك وتنساني
والمعاذير " تكفى " لا تطريها
خذ رسايلك عطها لواحد ثاني
الرسايل بليا نفس ما ابيها



لا تنزعج ما ودي أزعجك وأشقيك
بس حكم الــقدر بحــكم الفـراقي
ما هو بقلبي لو تصبرت ناســــيك
بعدك على هالحال زاد اشتيـاقي
أبنتظر لو طال الـــبعد وارجــــيك
وأشيل حمل الشوق لو ما يطاقي
انا على عهد الموده مصافـــــــيك
ولو تحد الوقـت ما زلـت بـــاقي



يفز دمعي واقهره داخل العين
اخــاف عـذالي يقــولوا هزيمة
لا والذي الف قلـوب الحـــبين
ما حدرت دمعات عيني ظليمة
انا بكيت من الوفا والوفا ديـن
لجل الصديق وذكريات حميمة




يامرحبا باللـي يبيــني وانا ابــيه
اللي غدا بعده على القلب جـاير
لامرني طيفه وجـتني طـــواريه
من زود شوقي له تهــل العـباير
بالعون احبه حب واموت انا فيه
والعمر من دونه ضياع وخساير




تصور ما رضت عين الرضا بعد الجـفا تبــكيك
تخاف الدمع يغسل صورتك وتغيب عن عيني
حبيبي لو رحل صوتك بعيش الحاضر بماضيك
صدى الذكرى ولا واقع يــــفرق بيــنك وبيني



لا جيت ابختار غيرك ارجع "اختارك"
ولا جيت أخونك أزيدك عشق "وأصونك"
عــندي جــنتي هــي بالــهوى "نـارك"
بالضــبط فينــي جنــون يشـــــبه "جنونك"
اترك خطاياك واترك عنك "اعـذارك"
انســى عــذابي وقــلي انت "وشـــــــلونك" ؟




أنا كنت الــــــــوفا كله..
انا كنت العطاء المدبول
وصرت الشاعر اللي ضاع بين يديه مسباحه
وقف لي حـظي الداني..
حداني صمتي المذهول
وصرت أنا الضحية للشقاء والناس مرتــــاحه




درب الشـقاء ياخوك طالت ممـاشيه
والوقــت ضــاع وراح عمري شقاوي
العام أداوي نزيف الجـرح وأكـــويه
والـــيوم صـــار الجــرح مالــه مداوي
فوق الورق دمعي نقش ضيم ماضيه
" عبره " لمن غره زمانه هوااااااااوي



" افــز " من نومي على الخد عـــبرات
اقـــول لـــدموعي ترى ما نســـــــاني
من يومها صرت اقضي العمر حسرات
تمرني الذكــــرى تدمـر كــــــــياني
احتاجلك دون البشر " انـــــت بالذات "
احـــتاجـــلك حاجـــة غريــــق للمـــواني




يا شوق خـبرني عــن اللــي انا اغليه
عن واحد روحي بحبه شغوفه
اغليــــــه من بــد المخـــاليق وافــديه
احس للفرحة طعم يوم اشوفه
يطلب عيوني .. يطلب القلب واعطيه
ارهن حياتي بين ضمة كفوفه




حاول واحاول يصير فراقنا هادي
الله عطــانا القــلـب حتـــي يعنينا
خل المقادير تمشي مشيها العــادي
في عمرنا يفعل الله ما نـــوى فينا
مافــــادك اسلوبك وما ينفع عنادي
لا صار ربي حرمنا مين بيعطينا ؟



في ذمتك ماكني البارح غفيت ؟؟
في ذمتك ماكني البارح ((دفيت))
في ذمتك ماكن عيني البارحه غمضت عن غيرتي؟؟
وماكنها قبل الغموض كانت تشكل حيرتي!
وترسم لعطرك سيرتي..
مره نثر ومره شعر
أخاف أضيعك بداخلي
وأدورك بداخلي
وألقاك بروحي
غفيت..
ولميت لك (( بردي )) شعر
في ذمتك من قالك إني بكيت؟
أذكر إني بس غفيت
سامحني غفيت .....



ضمني بالحضن عن(( برد الشتاء))
و((دفني)) لاصارت الدنيا ((جليد))
ضمني بيدين مليانه(( دفا))
وأعطني حبك وغيره ما أريد
لا متى بصبر حبيبي لا متى ..؟
وإنت عن عيني بعيد ؟؟
ما أهتنى نومي ولا جفني غفا
أشتعل بركان وأشواقي تزيد



حبيبي مازرعت لك الشجر في داخلي من شان
تجي تاخذ من أعماقي ثمر وتغيب عن عيني !
أنا لولاي أحبك ما جعلت من الضلوع أغصان ..
ولا علقت عُشك في حشاي وقلت : (( عِش فيني ))
حبيبي ليه في فصل( ( الجليد ) ) تقاطع البستان ؟
وتتركني لـ وحدي و((الصقيع)) يقطّع ايديني
وإذا راح ((الشتا)) والثلج هرول وأورق الرمان
تجي تقطف ثماري ثم تستنزف شراييني ؟






أجيك كلي وأدووووخ بضحكتك كلي...
وأموت في لهفتك وأتلحف جنونك
لاغاب طيفك أنا يامنيتي من لي؟؟
يجرحني ((البرد)) وتدفيني عيونك




غربه و((ثلج)) شعور وأنفاس دخان
تجتاحني والليل لـ الليل يشكي !
ليلي كِذا بـ ألوان ولا بلا ألوان
لو يحترق صمتي عليه بـ يبكي !
ممكن مـاعرفك ؟ لكن الصدق : عنوان
ممكن أعيشك ؟ لكن شلون بـأحكي .!



تمادى في ابتكار ((البرد)) و المنفى
تمادى وأتمادى في خيالاتي
بـ صورك ((دفى )) أحضان لين أغفى
أو أنسج سيرتك موطن لـ آهاتي
أو أستنزف طيوفك والطيوف أوفى
وأضمد بـ اللقا يا المبعد ذاتي




إنتظرتك...
ليه طولت الغياب؟؟؟
وإنت .. لامن غبت لحظــــــــات ..
أفقدك سيد الإحساس
حسك كيف غاب؟؟
كيف عن ((دافي)) شعوري يبعدك!!!
في ضلوعي .. ((بــــــرد))
وفي عيني .. سراااب
وألف طاري عن غرامي ينشدك




مخنوقه يمهـ و أحس الخنقهـ هدتني
مكسور قلبي و عيني مدري وش فيها
ودموعي إللي غصب عن عيني بكتني
مليت أغمض جفونـــي لجل أداريهــا




ذَهَب كل الكلام وفضته يوم السكوت نـحاس
قبل ما أشوفك أشوفك نهر من منبع عــذوبه
أحبك من زمان (( البرد)) .. أحبك من زمان اليأس
كثر ما أصحى من أيام الوله وأدخل فـ غيبوبه
تجي مثل العزا بعد العزا في غيبة الأعراس
وتروح أشبه بـ دمعه فـ الورق بـ الصمت مكتوبه



يالغايب الحاضر معي وسط الأفكار
يالمرتوي منّي .. وأخايل سرابك
إنت (( المطر)) وإنت (( البَرَدْ)) وإنت الأنهار
وشلون أضما بوقفتي عند بابك .؟
وإنت الفضا يالرحب .. والباقي أسوار
أضيق فيهم وأتفيّا سحابك



شوف انكسار الورد .. نبَّـت على يدي
((دفى)) جمود (( البرد)) ... و أشعلني بجوفه
ما قلت لك يا قلب .. تحلم على قدي
حلمك خذلني و حط خوفي على خوفه




غفيت وبعض نظراته علي
وكل نظراتي عليه
وش أسوي؟؟
أشوفه في الزوايا وفي الطريق
في ثنايا .. (( برد)) ليلي .. والحريق
في حنايا..قلب غافي..مايفيق
صاحبي.. قلّي شسوي؟؟
يتبعني خياله
يبتسم لي ثم يتركني ويرحل
كن هالدنيا له لحاله
ما رحمني ولا رحم حالي
صاحبي أرجوك قلّي شسوي؟
لاجرحته وأستثارت هالعروق
وش أسوي؟؟
تركتني (( لبرد )) الطريق
وأنا على بابك...
أتذكر إنك قلت لي:
بالله وش جابك ؟؟؟؟



خذني بحضنك يآآآه مبطي ماغفيت
وإن لمحت دموع عيني سو نفسك مالمحت
خذني بحضنك وبعثر في جروحي وإن قضيت
هزلي كتفي وقلي عيب تبكي لو سمحت
ضمني يمك وضحكني لامن بكيت
ودي أذكر كيف كانت ضحكتي لامن فرحت



وش أقوول ؟؟ داام لي قلب خجوول ..
إحترق مليوون مرره ..
وضااعت أنصااف الحلوول ..
وش أقوول ؟؟ ودمعتي تسكن بعيني تنتظر وقت النزول ..
وش أقوول ؟؟ وإبتعاادي عنك يسبب لي جنوون..
وش أقوول ؟؟ غير أحبك أحبك أحبك
لو مسافاتك تطوول ,,


تحياتي


صمت الليالي