روحي فمان الله والمولى معاك
واطلبـك تكفيـن لالاترجعيـن
دامك انتي اللي بديتي في جفاك
جربي مـر الجفـا لوتقدريـن
لاتحسبيني انـا بتبـع خطـاك
كل ماقلتي جفـا بقـول زيـن
كان قصدك ان انا اركض وراك
صحصحي يابنت انتي تحلميـن
قد عرفتيني مثل نجم بسمـاك
بدري انك لين عندي توصليـن
صدق انا احبك وفي قلبي غلاك
بس غيرك الف كانك تذكريـن
ماحمدتي الرب يوم انه عطـاك
قلبي اللي صعب مثله تعشقيـن
كل مره تخطي واتحمل خطـاك
واتصبر وادعي ان الله يعيـن
بس طالت شمخت يلعن ثـواك
لعنبوه الوضـع عيـا لايزيـن
لامتى بصبر على قلـة حيـاك
ابصراحـه ماأظنـك تستحيـن
مالقيت الا المتاعب في هـواك
وانتي عني لاهيـه ماتقدّريـن
قد نصحتك الف مره وش بلاك
هو متى يابنت انتـي تفهميـن
كنت انا افرح لاطرت حزة لقاك
وكنت اظنك بالملاقى تفرحيـن
ماالوم القلب لـو انـه نسـاك
ما الومه لو اشوفـك تدمعيـن
بتركك وارحل وروحـي للهلاك
واتركيني في وسط همي سجين
دامك انتي اللي بديتي في جفاك
جربي فرقـاي يمكـن تعقليـن




أعجبتني ونقلتها

لعيونكم

تحياتي لكم