مدري ليه البارحه كنتي حزينـه هو طرالك من زمان العمر طاري
ليه خان البحر فشـراع السفينـه ليه ضاق الصدرمن كثر الطواري
وش بلاك الليل دايـم تسهرينـه بسهر الليله معك وأشـب نـاري
وكل سر عن عيونـي تسترينـةتفضحة عينك ولو كانت تـداري
سولفيلي واطلبـي شلـي تبينـةبسمعك لصبح لقـدوم العصـاري
اضحكي قلبي تعـب لا تشغلينـةلا يخون الوقت ساعات انتظاري
عاشقك يشتاقلـك وانتـي بيدينـه كيف لو يبعد مسارك عن مساري
ينتفض جسمي غلا ساعه تجينـه تبرد اعظامي وانا فعز الظهـاري
من قبل يومين والاحـوال زينـه اجمل الضحكات عدت بيت جاري
ليـه تطفيـن الغـرام وتشعلينـه ليه ماهمك في هاللحظه دمـاري
ليه يبرى الجرح ساعه تلمسينـه ليه إلا غبتي يضيق اجدار داري
وش بلاي اليوم كل أخطاي شينه يولد الحلم ويموت الحلم عـاري
لعنبـو حـظ تخاطفنـي يــدينـه لعنبو جــــرح تمـادى بانكسـاري
هي متى تظهر منـارات المدينـه هو متى يشرق على الدنيا نهاري
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
للشاعر : سعد الشعلاني المطيري
12-13-2007, 08:49 PM
المواضيع المتشابهه
العرض العادي
