فصل رئيس دوله تركمستان بنفسه الاسبوع الماضى 30 شخص يعملون فى الأذاعه والتليفزيون التركمستانى والسبب .................................................. ...............................صرصار...
اعازكم الله وحفظكم من النمل والبق والقمل (بضم وتشديد القاف)

وذلك عندما راى الرئيس فى اعاده احد البرامج الحواريه التى تذاع على الهواء صرصار (ابو شنبات ده ومن الحجم الكبير) معجب بنفسه وبيتنطنط و رايح جاى امام الكاميرا علىالمنضده امام مذيع البرنامج والضيف والمصورين والمخرج والمونتاج دون ان يلاحظه احد (طب ده على الهوا لكن فى الاعاده ماحدش خد باله برضه:8:) علشان كده امر بمرسوم جمهورى بطرد كل من عمل بهذا البرنامج

والله حرام عليك سياده الرئيس هو يعنى الصورصار عمل ايه ده كان عواز بس يطلع فى التليفزيون ويظهر موهبته الفنيه والناس الى فى البرنامج حبوا يقدموه للمتفرجين و يدوله فرصه للشهره ماعملوش حاجه غلط يعنى مش تشوفه فى التليفزيون احسن من لما تشوفه فى .............."رغيف الخبز "او فى"ساندوتش البورجر "او فى" علبه البيبسى او العصير" والجديد بقا يظهر فى" الأمصال و الأدويه "


ومن هنا لازم اقول لسياتك ...............

الزحف الصراصيرى يا سياده الرئيس على الكون بقا واقع ولازم تتعود عليه عندكوا فى تركمستان زى ماأحنا اتعودنا عليه فى بلادنا العربيه


يااما كده يا اما تبعتلنا واحد ذى حضرتك عندنا فى كل مخبز وكل مطعم وكل مصنع مأكولات ومشروبات وادويه بدل وزارات الرقابه فى الدول العربيه الخائنين للجنس البشرى والموالين لجنس الحشرات ومايخافوش يسيبولنا احنا مكافحه صراصير البلوعات